ARROO KEVBE A GHI WU ĘDĘ GBE WE ARO UA- Read ROR in Edo

Sokpan banbanna nian, te a ghi rhie ere ma vbe uwu urremwen Kristi Igiesu ne omiomwafan mwa, Igiesu Kristi ne ọ khọn ẹtin uwu ua nẹ, ọ na vbe la ekpa iyẹn ne ọ maan rhie agbọn a i wu ędę ma emwa (2 Timoti 1:10).

Na tiere na keghi emwin ne ọ yan ọmwa unu. A i ghi vbe rran otọe sẹ ọna, te ọ gbe we aro ua. Igiesu Kristi wa obọ uwu ua nẹ. Igiesu Kristi rhie arrọọ kevbe a ghi wu ẹdẹ gha die ukpa, lekpa ikporhu iyẹn nọma. Te ọ khẹke ne Esọsi do rẹn ọna kẹ kevbe ne ọ dinmwin sẹrẹ ghẹ ẹmwata na. 

Wẹ nọdọbiẹ lahin uwu uwu re nẹ gha die uwu arrọọ “Ẹmwata i ta ma uwa, ọmwa nọ rhirhi họẹmwẹ mwẹn, ọ na vbe ya ọmwa ne ọ gie mwẹn yi, mwẹn agbọn etẹbitẹ nẹ. A i ghi bu ohiẹn ọnrẹn, ọ fian uwu rra la arrọọ nẹ” (Gion 5:24). Agbọn akhọnmiotọ ne ọ ya ruẹ yosẹ esu, ebiebi, emianmwẹn, udemwẹn, kevbe uwu wẹ mwẹẹn nian. 

Adeghẹ ẹmwata ọ re ọna khin, kevbe wẹ ikpọnmwọn Osa wẹ ẹmwata nọ, vbọ ghi siẹ ne emwa nibun vbe uwu Esọsi na wa ye domian vbekpa egberanmwẹn iran, la uwu ukpokpo agbọn gberra ẹdẹnẹrẹ? Emwin ne ọ siẹ re ebe Hosia 4:6, ọ wẹ, "Emwa mwẹn fuan rhunmwunda amarẹnsẹ.”

Ọ rhie rri ọmwẹn orhiọn eve orriara ne Psamist viẹ, Esaf vbe ebe Psalm 82:5-7. wẹẹ, "Iran ma rẹn, a ma i wẹ iran gha rẹn ọnrẹn sayọ: uwu ebiebi iran wa la khian, ẹyotọ agbọn na la hin ihe re nẹ. Mẹ tae ne wẹ, Osa wa khin, kevbe wẹ, ivbi  nọyosẹ ehia ọ re uwa hia khin. Sokpan te uwa ra wulo zẹ vbe emwan kẹkan, wa i vbe dele zevbe avbe okoro ni.” Emwin ne ode ọmwa ena khin! Ne ọ dọlọbiẹ khie ovbi Osanobua nẹ, rhunmwunda ọni, Osa wẹ ghi khin rhunmwunda agbọn Osanobua ne ọ re uwu wẹ. Agbọn Osanobua nẹ emianmwẹn ye, ne uwu ye. Ẹmwata ne uhunmwun ẹmwẹn na khin, te ọ khẹke ne u miẹ ọen yi, vbene u ma na miẹ ọẹn yi, u mẹtin rri orhiẹnrhiẹn ọnrẹn. 

Emwin ne Igiesu re do ru ni khin kevbe wẹ, te ọ wa vbe muẹn sẹ. Ọ winna ẹn fo vbe ugbugbe. Vbe ọ i te wu, ọ ta wẹẹ, "Ọ fo nẹ” ne ọ re wẹ, i winna ẹn fo, i mu ẹn sẹ. A wa obọ uwu ua nẹ, rhie arrọọ kevbe a i ghi wu ẹdẹ gha die ukpa. Ebe ne ọ huanrẹn wẹ, "Igiesu kristi ru izọ ese ọkpa ye orukhọ ẹdẹdẹmwẹdẹ, vbe iyeke ọnii, ọ keghi tota vbe obọ erha ọmwa Osanobua” (Hibru 10:12). Uyi ọghosa!

Banbanna nian, ebe ne ọ huanrẹn wẹ, ọmwakọmwan ne ọ yae yi mwẹn agbọn etẹbitẹ (Giọn 3:16). Wẹ gha yaeyi, ọni ọ re wẹ, u mwẹẹn arrọọ kevbe agbọn a i wu ẹde. Ekpọnmwẹn ọghosa!

                    IMIENKUE

Arrioba arroo kevbe a ghi wu ędę o re a biẹ mwẹn yi, mẹ la hin uwu wu re nẹ gha die uwu arroo. Agbọn oyunuan mẹ mwẹẹn, ne o agbọn akhọnmioto. o ya mwen yose esu, ebiebi, emianmwen, udemwen kevbe uwu. Agbọn nọsẹ oghe agbon na me ye. I khayan vbe uyi yan ukpokpo agbọn, re agbọn na na khọn mu obọ yan ikega ędędęgbe vbe eni Igiesu. Ise!