READ THE RHAPSODY OF REALITIES IN EDO LANGUAGE

Ohan mu emwa eso sẹrriọ wẹ, iran i ho ne Nọyaẹnmwa Igiesu mwẹ obọ vbe ẹmwẹn agbọn iran. Iran do gha ro wẹ, ọ gha fi imina iran werriẹ;Imina na ni ne iran mwẹn vbe orhiọn k’ ẹghẹ a dee. Efoto ne iran mu ọghe egbe iran kevbe ọghe agbọn iran. Iran ro wẹ, iran gha miẹn Igiesu yi, vbe do giẹ gha die uwu agbọn iran, ọ mẹtin do ye iran khian aruọmwan ne iran ma ho ne iran gha khin, rhunmwunda ọni, afianma do gha fi iran.

Sokpan, emwa ne i roro emwin la odẹ vberrian keghi emwa ni ma rẹn ọmwa ni Igiesu gele khin, kevbe wẹ, rhunmwunda iran ma rẹn ọnrẹn, iran i sẹtin muẹtin yan rẹn. U gha do rẹn ọmwa ne Igiesu gele khin, u sẹtin muẹtin yan rẹn. Wẹ roro rẹ!Nẹ ọ masẹ ọ re Igiesu gualọ nu ẹn vbe agbọn, rhunmwunda ọni, u gha mẹtin ya agbọn ruẹn muẹtin yan rẹn. 

Nọyaẹnmwa hoemwẹn emwin hia ne ọ kan ẹmwẹn agbọn ruẹn. Igiesu hoẹmwẹn ruẹn sẹ vbe ne u hoẹmwẹn egbe ruẹ. Emwanwan ne ọ nwẹn nuẹn keghi re ne ọ ya ruẹ khian ne ọ ru ọmaan esiesi, vbe ghọghọ vbe agbọn vbe ẹghẹ hia. 

Vbe ebe Gerimaia 29:11 NIV, "Nọyaẹnmwan wẹ, i rẹn emwanmwan ne i mwẹn da uwa, emwanmwan ọghe ne uwa miẹn alaghodaro, ẹ i zẹdẹ re ne i kuan uwa:emwanmwan ọghe ne i rhie idaehọ odaro nọma ne u wa.” Ne ọ mwẹn egbe emwamwan na ne u wẹ i zẹdẹ rọọ, gberra e Nọyaẹnmwa. Ọ rhie gha die ọ mwẹn orhiọn, ẹmwẹn mosemose ne Igiesu tae vbe ebe Giọn nogieha uhunmwun ẹnrẹn ọkpa uviẹn eva, ne ọ wẹ, "Ọtẹn nọghan, aho oghomwẹn e nọ sẹ emwin hia fẹrẹrẹ ne u gha miẹn alaghodaro ẹsẹsẹ, ne u vbe gha rọọ vbe egberranmwẹ ẹmwata zẹ vbene egbe vbe rran ruẹn vbe ekhọe.” Roro yan ọni! 

Emwin ne ọ yae rhie agbọn rẹn, ẹmwanta ren, uyi ẹre, eni ẹnrẹn nuẹn ni khin, ne u mẹtin do gha re agbọn nọyosẹ esu, orukhọ, emianmwẹn kevbe uwu. Uyi nọ ne eni ẹnrẹn etẹbitẹ! 

 

Erha emwata, u ru ese ye ahoemwen emwata kevbe emwamwan ne o gbanafo oghe uwe ne agbọn mwẹn.I muẹtin mwen hia yan ruen, ugbẹn vbe renren we, emwanmwan ruen ne agbọn mwẹn keghi re ni ru ghodaro, ne u rhie idaeho odaro noma mẹ. I gha lele igiodę rue Noyaenmwa rhunmwunda mẹ renren wẹ agbọn oghogho kevbe oghe amusọe noma mẹ khian gha ye vbe eghẹ hia vbe eni Igiesu. Ise!