GA ENYA NA WE BE KAYE WUN NYI NA: READ THE ROR IN NUPE DIALECT

Nana de erikpe tatacin yiyi nya Sunna nya Jesu o to na we a a gbinga enya nimi Kaye Wun bo na. Wun yi enya kpataki na eza kpe erikpe nana ye na. La hankali Romicizhi 10:13; wun ga, ga, "Kedona rubutu lilici ga na, ci ga, Eza ndondo na ga yi sunna nya Tsoci na, a a bo u ya." Lefijincizhi yi Sunna Wun wo ya biboya, ama ke Egagocizhi na, yi ejin anfani be Sunna Wun nyi; yi ejin yikunci nimi Sunna Wun bo. 

Anfanijin be Sunna e wun jin yiyi ya Wun kawonyi ke we yi lefijinci yi re na e wa biboya na a. Gbani na we a mima woro de na, wo azhe yializhi nya Soko. Sunna nya Jesu yi kaye eti we bo, to na ala ya we na we ale yizhe be nyi na. Wun tile sayi we ga yi Wun nwi ebo enya ndondo be a; gomaga, we ajin anfani be Sunna Wun nyi be yiko nyi ya jinjin enya ndondo ko ebanzhe enya ndondo na we ga ewa na. 

Patukpa aya na yi gba eciaba o na Wun gaga, “Yi sunna mi nyi a to mi a nya ibilizhi dzun to sa guncizhi gun a”; a an! Gomaga, we ajin anfani be Sunna Wun nyi nya shetanzhi dzun, sa guncizhi gun a, sokoguncizhi de egunsa, to la ezatsutsucizhi nakin. Sunna Wun yi enya etun; jin anfani be u nyi! Nimi John 14:13-14 Wun ga, ga, "Mi ma a jin enya ndondo na ye ga ba nimi kaye mi bo na…Wun ayike ye ga  ba enya ndondo nimi sunna mi bo na, mi a jin u."

Nana yi ega nyagbantu! Nana yi gaga we gbinga enya ndondo wo nimi Sunna nya Wun bo to wun ma ga fe. Ke kotonkoci na, we ga da nimi ebayibazhi o, goma na we a yi”Jesu! Jesu na! Jesu tinya nimi ebayibazhi o ko dasun na; ga enya na we ga ewa nimi Sunna Wun bo na. Gaga be yiko nyi na Wun la ya we na e. We gaga, “Nimi Kaye nya Jesu o, mi ewa egunsa,” ko “Nimi Kaye nya Jesu o, we ibili nya bazhiko, mi ya ‘mi na kagbo ye ga zhe banza ci ga tinya na!"

Kami n dondo patukpa ke we de yikunci na to yiko na ebona we elotun be Sunna nya Jesu nyi. Enya ndondo nimi yizhe o, nya naka to ruhu, to gominati otso, sorotazhi, mulikizhi, yikozhi to kagbozhi, kpata abo a a tako nya Sunna nya Jesu o. La enya na we ewa gaga Sunna nya Wun jin na tula be nyagbantu n yi to we ma ade erijinzhi. Cinwon ya Soko!

Nda nya mi, yebojin ya kagbo to yiko na we la ya mi na mi ajin anfani be Sunna nya Jesu nyi na. Mi edazan nimi yiko to mulikijin eti enya ndondo to ezhozhi o. Mi egaga egunsa, lafiya, to aziki nimi Sunna nya Wun bo, to mi ma jin yebo nya yetu to gasikiya na be be anfanijin be Sunna nya Jesu nyi ya ebanzhe to na wiwa nya we ga she na e. Ami.