I DOGI-YO YE MI GBA FINDI: READ THE ROR IN NEMBE( IJAW) DIALECT

Kraist ḛrḛmi tin na bari o rḛrḛ mi ḛkḛ yeḇi na mi kere kere yọ emi. Kere kere yọ mi nimi nyọ yọ mi ye la ḇara ḛnegha. Rom diri mi bḛ “Animi, tubọ tubọ tḛnḛ Nyanabọ bei irḛ mi tin-bọ, du nyọ ḛrḛ- sinḛ” (Rom 10:13). Sei miḛ-bo bei ore irḛ mi tintḛ tḛmḛ ḏua ye wọ nyana; ntḛ Ayeba Ǫwọma ḇara ghọ wa orḛ rḛ mi ḛkḛ barana-ye miḛ. 

Bari Orḛ rḛmi ḛkḛ tibida ongu wọ suọ; sei mie bọ bara ḛkḛ ḛrḛmi, tintḛ ḏua nyọ bara gha, ệri wagi ḏitḛ-bo, ệri Kraist furo bọ, orḛ rḛmi iwọ saitḛ bari iwọ timi nyọ nḛ ḛkḛ ipre tḛ ye.

Titari go ḛru mi mara ḇegha “inḛrḛ mi tin anine a dḛvul ḇei demọ sin nyọ, bari obi gbali kurọ mọnyọ” ain ani bara bḛgha. Nte, inḛrḛ mi ḛkḛ dḛvul bei demọ sin, obi gbali kọrọmọ, ekiri tua wọrio mongu-mein inie fia fia mọ, bari fe tḛ bọ miḛ suomọ. Kraist ḛrḛmi ani fere-monde-ye mi, eke fre mọnde. “Ntḛ tei tei tḛnḛ ọ ini irḛ nghọ ḇi-ye bi-ye, animi a wọ mie nyọ. … ini irḛ mi ghọ ọ bi-ye bi-ye, animi a wọ mie nyọ" (Jọn 14:13-14).

Ani yela nimi fie-ye. Ain ḇḛmọye mi o irḛ mi i ḛkḛ bi-ye bi- ye ibaralanyọ, ain ḇio-gbo, kiti kiti tie-kiri, esin bio ghọ o ire imi tin ilogu na kara gha, ire mi ḛkḛ i dọgi yo yemi rḛ ḏugo pagamọ. Mara ḇḛ Jisọs irḛ mi ghọ gbali-kuro paga, Jisọs irḛ mi ghọ dḛvul ini a bara ma sin.

Ḛri ifie ma bisḛ ghọ tibe-bọ, bari kọri mondḛ-mọ bọ ḛbḛ bara mi nimi, ani mi i Kraist rḛ ghọ tiḛ nimi ḛrḛsinḛ. Sḛ kiri mi ghọ emi ayema ḇisḛ, an tḛmḛ anga – o, tomini kiri-o kurọ nḛ ọgọnọ na kiri na ghọ emi yai ma ḇisḛ Kraist ḛrḛ mi kiri-ḇio rḛ ghọ emi. ỉ dọgu yo ye mi Kraist irḛ mi ghọ ain fie pagamọ.

Tari Daubo, kuro na amba na ne i ękę ipre te Kraist ire mi ghọ ye mie-ye mi gho noa. A nengimo kurọ ghọ tie timi gbali kuro, dou na bari potia potia fie pagamo nyo Kraist ire mi nghọ - Amen.