READ THE RHAPSODY OF REALITIES IN NUPE DIALECT

Wo le mi ye bedzo a ci ma mi. Efo nazhi ma a la shishi ebo mi bo na, a ka a kpata da litafi wo bo, bedzo nini ndondo nimi a bo ci cia. Soko, yekpa wezhi zo ya mi re; a dokun saranyi re! (Zaburazhi 139:16-17).

Eza ndocizhi esunda ci elugwa Tsoci Jesu de gwa da yizhele nya a bo a. E kpaye gaga Wun ga aninya nya azhi zheba; ke aninya nazhi ade jnifo ani na, anuri nazhi aleye jinfo ani na. Ekpaye gaga Wun ga u zheban, ebogabo a a jin yeda nya o. 

To acinga de, eza nazhi ekpaye dozhi nana na a a yi eza nazhi kpe Hesu ya ana. To ebona akpe Wun ye ana, a a kara yakpe Wun wo a. Abeke we ga kara kpe eza yiri na Wun yi na ye na, we ajin yeda na we ayakpe Wun na. Kpaye eti u bo: enya kpata na Wun ewa ya we na yi wangibo nya we. Ebogabo, we yakpe Wun wo be rayi nya we nyi.

Tsoci de aninya ya enya ndondo nya we. Wun yebo we ga kendona we yebo etitacin we na. Wun de shirizhi ya we, to shiri nana yi na wun aya we nasaragi to ninma kami kpata na. 

Wun gaga nimi Jeremaya 29:11, “Mi gbangi kpe  shiawura nazhi mi jin ya ye na o, hiawurazhi na mi a la aziki be ya ye na, u yi masiba a, shiawurazhi na mi a la enya nazhi ye etuye yegboro o na be na. Acin mi, Tsoci, ga o.” A de eza ndondo na de shiawurazhi dozhi nana ya we na a. Wuncin ci pa ‘mi tukpa ega nya Wun nimi 3 John 1:2, “Eya cincinci mi, mi ejin aduwa na enya ndondo a loye wangi be we nyi na, to na we a dea bo lafiya nimi naka o na, kendona mi kpe ke wo da bo lafiya nimi ruhu o na.” Kpaye egaga nana! 

Nana ga yi sareti na Wun ya we rayi nya Wuntso na o, eligasikiya Wun, cinwon nya Wun, to Kaye nya Wun; ebo we yi o le yizhe wangi eti Shetan bo, lefi, batazhi, cigunzhi, sungazhi, to tsutsu. Cinwon ya Kaye nya Wun harilo! 

Nda eligasikiya, yebojin ya cincin we na ezaba ana to shiawurazhi na yi gungunci ya yizhele nya mi na. Mi ayakpe we shisheci, ci kpe gaga shiawurazhi nya we ya mi yi wangi, we ya mi yetu, to esun nya mi atadzu gboro. Mi tsa na mi ala mi tu ebawu nya we, yetu ke mi alae yizhe nya ninma to shisheci, nimi Kaye Jesu o. Ami.